زەوی توركیا لە خاوەنە ڕەسەنەكەی دزراوە دوای قڕكردنیان...

3 مانگ پێش ئێستا

ن: د. ریم عرنوق
وەرگێرانی: لالۆ ئەحمەد
بەدڵنیاییەوە دەزانن هەموو جوگرافیای توركیا زەوی دزراوە لە خاوەنی ڕەسەنەكەی دوای ئەوەی قڕیان دەكەن وخاكەكەیان زەوت دەكەن . 
 ٧٠٠ ساڵ بەر لەئێستا ئەم توركیایەی ئێستا خاكێك بوو خاوەنی ڕەسەنی ئەو خاكە پێك هاتبوون لە كلدان و ئاشوری(سریان) و یۆنانی و كورد و ئەرمەن .......
ماوەی 500 ساڵ قوستەنتینیە پایتەختی دەوڵەتی بێزەنتینیەی یۆنانی بووە، كە ئیمپراتۆر قوستەنتین وەك پایتەختی ئیمپراتۆریەتی ڕۆمانی خۆر هەڵاتی لە ساڵی 333 زاینیەوە دایمەزراند تا داگیركردنی لەساڵی 1453 .  
واتە نزیكەی 1200 ساڵ قوستەنتینیە پایتەختی ڕۆشنبیری یۆنان و قەڵغانێكی بەهێز بووە لەبەرانبەر بەربەریەتی تیرەكانی باكوری ئەوروپا لە خۆرئاوا، دڕندایەتی هۆزە تۆرانیە توركیەكان لە خۆرهەڵات ......

توركیای ئێستا وەك هەر پاشانشین و دەوڵەتێكی تری ناشارستانی تر بە هێزی شمشێر دروست كرا ...
تا ئەم دوادواییانەش قازوخ تێبڕین دروشمی سەرەك دەوڵەتەكەیان بووە .....

لە كۆی 36 سوڵتانی عوسمانی تەنها 3 سوڵتانیان بەمردنی ئاسایی مردوون، ئەوانی تر هەموو بە كوشتن و سوتاندن و خنكاندن و بەشێوازە جۆر بەجۆرەكانی تیرە و قەومەكانی خۆیان لەسەر ڕێبازی توركی لەناوبراون .
 
هاوڕێیانم ئەزانن نەرێتی پەیڕەوكراوی عوسمانلی ئەوە بوە هەر سوڵتانێ كە گەیشتۆتە دەسەڵات هەرچی برا و ئامۆزاكانی بە خنكاندن كوشتوە یان هەردوو چاویانی دەركردوە تا سبەی كات لەسەر دەسەڵات دژایەتی نەكەن؟؟!!
تاكە خەلیفەیەكی عوسمانلی نیە سەرپێچی ئەو نەریتەی سەرەوەی كردبێت ...... 
بێگومان براكانیان هەموو لەدایكی خۆیان نەبوون وزڕ برابوونە، هەموو سوڵتانێك چوار ژن و سەدان كەنیزەكی هەبوە بۆ ڕابواردن و سەرجێی و شەوەكانیان بەسەر ئەو هەموو ژنەدا دابەش دەكرد، ژنەكانیان دەرفەتیان زۆر كەم بووە بۆ ئاوسی و زگپربوون، هەموو ژنەكانیان هەمیشە لە ململانێ و دژایەتی كردنی یەكتربوونە بۆ ئەوەی مناڵەكانیان دەسەڵات بگرنە دەست و هەمیشە خەریك پیلانی بكوژانە بوونە لەنێوان خۆیاندا......

ئایە دەزانن سوپای شەڕكەرە دڕندەكانی عوسمانی كە ناویان سوپای ئینكشاری بوە چۆن دروست دەكرا !؟؟؟
بەهەمان ئەو ڕێگایەی كە سوپایەك كەنیزەكی ژنیان لە حەرەمی پاشا دروست دەكرد، ئەویش ئەوكاتانەی كە هێرشیان دەكردە سەر گوندە مەسیحی نشینەكانی دەوڵەتە دراوسێكانی وەك ڕوسیا و ئەوروپای خۆرهەڵات و قەوقاز سەرجەم لادێكانیان وێران دەكرد و دەیانسوتان و خەڵكەكەشیان قڕ دەكرد و تەنها كوڕ وكچە مناڵەكانیان دەهێشتەوە تا خۆیان پەروەردەیان بكەن .
كوڕە ڕفێنراوەكانیان لەشوێنێكی تایبەت دادەنا كە جگە لە دەوڵەتی عوسمانی دایكی تر نەناسن و جگە لە سوڵتان باوكێكی تر نەناسن، لەوێ ناو و هەموو شتێكی ئەسڵ و فەسڵ و مرۆڤ بوونی خۆیانیان لەبیر دەچوەوە و سوپایەكی دڕندەی شەڕكەریان لێ دەرچوو وەك سوپای زۆمبی و پێیان دەوترا "ئینكشاری " .

مناڵە كچەكانشیان كە تەمەنیان هەر پێنج شەش سالێك دەبوو دەیانبردنە حەرەمی پاشا و لە ژوور و شوێنی تایبەت لەسەر سێكس و سەرنج ڕاكێشان و دڵبردنی سوڵتان و كوڕەكانی لەسەر دەستی سۆزانیە تایبەتەكان كە ناویان ژنە قارەمانەكان بوە، ڕاهێنیان پێیان دەكرد .
ئەو پیاوانەشی سەرپەرشتی ئەم كارانەیان كردوە كەسانی خەسێنراو بوون و پێیانیان وتووە ئاغاكان، ئەمە ئەو دەڵەتە عوسمانیەیە كە ئەردۆغان شانازی پێوە دەكات .
- خاكەكەی لە خەڵكە ڕەسەنەی دزراوە، دوای قڕكردنیان...
- سوپا لە مناڵە ڕفێنراوەكان دروست كراوە دوای قڕكردنی كەسوكاریان لە لادێ و گوندەكانی دەوروبەریان ..
- دایكەكانیان كەنیزەك و كۆیلەكانی سێكس بوون كە لە هەمان ئەو شوێنانەی سەرەوە دەڕفێنران، لەسەر دەستی ژن و پیاوە خەساوەكانی تایبەتكار بە ڕاهێنانی بەدڕەوشتی سێكسی ، ڕاهێنیان پێیان دەكرد ...... 
- حاكم و سوڵتانە بكوژەكان بەسەر لاشەی باوك و براكانیان دەگەیشتنە دەسەڵات .
-مێژویەك پڕاوپڕ لە كوشتن ودزی و ڕفاندن و لاقەكردن وخوێنڕێژی و خەساندن و قازوخ تێبڕین و چاوهەڵكۆڵین و ملپەڕاندن......