بازاڕی ئازاد یان ئازادیی بازاڕ؟

3 مانگ پێش ئێستا

هاوڕێ توانا
وەكو چۆن سیستەمی سیاسی و ستایلی حكومڕانی لە كوردستان، ناچێتە چوارچێوەی هیچ تیۆریا و فەلسەفەیەكی سیاسی، ئەوا سیستەمی ئابووری هەڵبەت ئەگەر شتێك بەناوی سسیتەمی ئابووری هەبێت، بێگومان كە ناچێتە ژێر باری هیچ تەحلیل و تەفسیرێكی ئابووری، ئێستا لە دونیادا كە كۆمەڵێك مۆدێل و سیستەمی ئابووری تەجروبە كراوە هەیە، كەوا هەر میللەت و دەوڵەتێك پەیڕەوی لێدەكات.

هەڵبەت لێرە ئەگەر نیازت لێ حاڵی بوون و قسەكردن بێت لەسەر ئابووری و جۆری بازاڕ بزنس و بانك وەبەرهێنان، یان ئەوەی بەكۆ سیستەمێك، یان دائیرەیەك ڕاگیر دەكات و ناوی لێدە نرێت سیستەمی ئابووری، ئەوا هیچ پیویست ناكات ئێمە بەچین سامانی گەلانی ئادم سمیپ و تێزەكانی دیڤد ڕیكاردۆ یاخود كەپتاڵەكەیی كاڕڵ ماركس بخوێنیتەوە، چونكە بێگومان ئەوكایەش وەكو باقی كایەكانی تر، لە كوردستان شێوێندراوە و شازێنراوە و تەواو لۆكاڵی كراوتەوە!
 
ئەگەرچی زۆر لە لێكۆڵەر و لێزانانی كایەی ئابووری بەلۆچكردن بە قسەو فڕێدانی تەستەواژەی ناو تیوری تێزەكانی ئابووری، ئابووری كوردستان گرێ ئەدەنەوە بەسیستەمی سەرمایەداری (كەپیتالیزم )، بەڵام ئەوەی ئێمە كە ڕۆژانە دەیبینین و ئینجا بەراودی دەكەین بەو خوێندنەوەی تەجروبەی سەرمایەداری، كە ئێستا بۆتە ئاین و عەقدەی خۆرئاوا، جیاوازییەكەیان وەك ئاسمان و ڕێسمانە، ڕاستە ئێستا سەرمایەداری وەك وەحشێك بووەتە بەڵا بەسەر گەردونەوە و هەڕەشە لەژیان و ژینگە دەكات، بەڵام لە سەرمایەداریش ئەحكام و بەها وهێڵ خەتی سوری هەیە، دەی كەچی لە ئابووری كوردستان ئەوەی پەیڕەوی لێدەكرێت هیچ هێڵ و خەتێكی سوری نییە هیچ ڕێساو یاسایەكی كارپێكراوی نیە! 
لێرە گەشەكردنی ئابووری تەریبە بە گەشەكردنی نایەكسانی و تۆخكردنەوەی چینایەتی. چینایەتی واتا بەرهەمهێنانی كەمینەیەكی پڕ و خستەوەی زۆرینەیەكی قڕ ! كە ناتوانێت پێداویسته سەرەتایەكانیشی دابین بكات! هەڵبەت لەسایە و سێبەری ئەم (سیستەمەی ) كە لە هەناو ڕحمی كایەی سیاسی و حكومڕانی (دیسپۆتیزم) دا لەدایكبووە، ئێمە دەبین، كەوا لە پاڵ باڵەخانە بەرزەكاندا خەڵكی بێ خانوو، لە پاڵ ڕیستۆرانتە، خۆش و گەورەكاندا خەڵكی بێ پارە، لەپاڵ ئۆتۆبێلە مۆدێل بەرزو گران بەهاكان پێچەوانەی دەبینین ! واتا گرفتەكە ئەوەیە ئەم گەشەیە كە ڕۆژانە سیاسی و حكومڕانەكان بە كۆرس بۆمانی دەڵێنەوە، گەشەیەكی ساختەیە، ئەوەی هەیە تەنها هەڵتۆ قین و درووستبوونی سەرمایەی كەسی و حیزبیە یان لە باشترین حاڵەتدا سەرمایە و ئابووری نزیكەكانی حیزب و خزم !
 
بۆیە دەكرێت كە وائەوەی شیاوی ناو لێنان و شوناس بێت، بۆ ئەم فۆڕمە ( ئابووری مافیایی بێت) ئەمەش بەدەستور و تیۆریەكانی ئابووری، ئابووریەكی تەواو پاسیڤە، چونكە دەركەوت، بڕینی بودجەی هەرێم و قەیرانی دارایی و شەڕی توش هاتووی داعش، مەعلومی كرد، شتێك نیە لە كوردستان بەناوی گەشەی ئابووری بێت، بەڵام وەك چۆن لێره، هەموو چەمك و ڕێساكان لینگاو قوچ كراون، سەرئەنجام پێوەر و فوتە ئابوورییەكانیش بەو دەرد براون ! بۆنموونە مەقولەی بازاڕی ئازاد تەرجمە كراوە، بۆ (ئازادی بازاڕ !) كە تیایدا ئەو كەمینەیی پارە بەدەست مۆنۆپۆڵی بازاڕ دەكات و زۆر ئازادنە مامەڵە بەهاوردەی دەرمانەوە دەكات تا خورما ! بێ ڕەچاوكردنی كوالێتی و زەڕیبەدان، چونكە دیارە سیاسییە تیجاڕەكانی ئێستایی ئێمە، ئازادی بازاڕیان بە بەربەرەڵایی بازاڕ تەرجمەكردووە، ئەگەر نا ئازادی بازاڕ و بازاڕیی ئازاد نەك دوو دیوی یەك دراو نیە بەڵكو ڕێك پێچەوانەو دژ بەیەكترن.