بۆچی سزای لەسێدارەدان پێویستە؟

1 مانگ پێش ئێستا

عەبدول محەمەد
ڕەنگە ئەم داوەو پشتگیرییە بۆ كەسانێك مایەی سەرسوڕمان و ناڕەزایی بێت، بە تایبەت بۆ ئەوانەی شكور بۆ خوا كەسێك یان خۆشەویستێكیان بەو ئاسانی و خوێنساردییەی ئێستا لەدەست نەداوە.
بابەتەكە درێژ ناكەمەوە، بەڵكو بەسروشتی كارەكەم كەم تا زۆر ئاگاداری كەیسەكانی تاوانكارم لە دادگا، دوو نموونەتان  بۆ باس دەكەم ئەوسا  بزانن جێبەجێكردنی سزای لەسێدارەدان پێویستە یان نا؟
كوڕو كچێكی گەنج هاوسەری یەكتربوون ، بۆبەسەربردنی پشوییەك دەچنە چیای ئەزمەڕ، لە گەڕانەوەدا توشی چەند چەكدارێك دەبن لەبەر ئەوەی سەیارەكەیان لەسەر شەقامەكە وەستاندووە ناچار دوو هاوسەرەكە سەیارەكەیان  ڕادەگرن ، جگە لەوەی چییان پێ دەبێت لێیان دەستێین ، كوڕەكە دەبەستنەوەو و بەبەرچاوییەوە دەستدرێژی دەكەنە سەر خێزانەكەیی و دواتر خۆیان ون دەكەن، تاوانبارەكان چەند تاوانێكی دیكەی وایان كردووە .
كەسێكی تر خۆی وەك  معاون گوبی ناساندووە و چاودێری ئەو ژن پیاوە بەتەمەنانەی كردووە كە بە تەنها دەژین دوای ئەوەی بە بردنی دیارییەك  خۆی لەبەر چاویان دەكات بە فریشتە، حەبی بێهۆشكردنیان دەداتێ،  لە گیرفان و ماڵەكان هەرچییەكی بەدەست دەكەوێت دەیدزێت، هەندێكیان كە بۆی نابورێتەوە بە چەكوشێكی بەنایی كە لە جانتیەكدا بووە،  بە توندی دەكێشت بە سەرایاندا و  هەندێكیان بەو زەبرە توشی جەڵتە بوون یان كەم ئەندام یان دوای ماوەیەك مانەوە لە نەخۆشخانە گیانیان لەدەستداوە. 
كەیسەكان  زۆر لەوە زیاتر و توندوتیژترن، بەڵام لەبەر ئەوەی سزای لە سێدارەدان لە كوردستان جێبەجێ ناكرێت، ئێستا  بەشێكیان لە زیندان بوونەتە دابەستە و بەشێكیشیان وەك بەرزەكی بانان بۆی دەچون و دەسوڕێنەوە.
ئێستا حساب بكەن ئەم چیرۆكانە خۆتانن یان كەسوكارتانن، بەڵام تاوانەكە تا بەرامبەر خۆتان نەكرێت نازانن چ ئازارێكی هەیە. 
جا ئەگەر سزای لەسێدارەدان هەبێت دڵنیابن تاونەكان لەمەی  ئێستا زۆر كەمتر دەبێتەوە و سنورێك بۆ ئەو پاشاگەردانییە دادەنرێت.