ئەو هەڵانەی كە پێستت خراپ ئەكەن

2 مانگ پێش ئێستا

د. شادیار حەمەلاو
یەكەم/ نەشۆردنی مەیك ئەپ ومیكیاجەكەت لە كۆتایی ڕۆژدا 
لەوانەیە بە شتێكی سادە سەیری بكەیت بەڵام ئەوە وادەكات زیان بە پێستت بگات و ئەومادە كیماییانە لەسەری كەڵەكە ببێ و كونیلەكانی پێست دابخا.
 
دووەم/ بەكارنەهێنانی دژە خۆر 
هەندێ  خانم  لە ڕۆژی هەوراوی و زستاندا بە پێویستی نازانن دژەخۆر بەكاربهێنن بەڵام ڕاستیەكەی ئەوەیە كە هەموو ڕۆژێك پێویستە بەكاریبهێنیت چونكە لە ڕۆژانی هەور و هەڵاشدا تیشكی خۆر زیان بە پێست ئەگەیەنێت.

سێیەم/ كەم ئاوخواردنەوە و زیادخواردنی قاوە و چایی 
ئەمە وا دەكات پێستت وشك ببێتەوە و زوو تێكبچێت 

چوارەم/ زۆر شۆردنی دەموچاو ( سێجار و زیاتر لە ڕۆژێكدا) 
ئەمە وادەكات كە سروشتی پێستت تێكبچێت و وشك ببێتەوە و توشی هەستیاریی ببێ چونكە زۆر شۆردنی پێست زیان بە چەورییە ڕژێن و خانەكانی پێست ئەگەیەنێت 

پێنجەم/ بەكارهێنانی بەرهەمێكی نەگونجاو بۆ پێست 
هەڵبژاردنی بەرهەمی تایبەت بە پێستی خۆت زۆر گرنگە ، چونكە كرێمی نەگونجاو پێستت خراپتر ئەكات و كێشە دروست ئەكات. گەر پێستت وشك  بوو  و شتێكی پێستی چەورت بەكارهێنا،  ئەوە هێندەی تر پێستت وشك ئەكاتەوە و پیربوونی پێشەوەختەی پێستت ڕوودەدات 

شەشەم/ ئاوی زۆر سارد یا زۆر گەرم بۆ شۆردن 
باشترە پلەی گەربی ئاوەكە مامناوەندی بێت 
ئاوی سارد/ ملوولە خوێنەكان كرژ ئەكاتەوە 
ئاوی گەرم/ ملوولە خوێنەكان دەكاتەوە 
كە هەردووكی ئەبێتە هۆی شكان و خراپبوونی ئەو ملوولانە

حەوتەم/ كەمخەوتن و وەرزش نەكردن 

هەشتەم/ خۆراكی ناتەندروست 

نۆیەم/ زیپكە تەقاندن كە لەوانەیە ببێتە هۆی خاڵ  لەسەر پێستت